Esja er mætt til Íslands

Andrea Guðrún Guðmundsdóttir skrifar

3.desember 2024 er dagur sem markar tímamót í sögu Icelandair að sögn Boga Nils

Bogasonar, forstjóra félagsins. Þann dag lenti fyrsta Airbus þota félagsins á

Keflavíkurflugvelli. Áður en vélin lenti var henni flogið yfir höfuðborgarsvæðið fyrir

landsmenn að virða hana fyrir sér á flugi. 

Vélin er af gerðinni A321LR og hefur verið nefnd

Esja.

,,Með tilkomu Airbus flugvéla í flotann okkar munu skapast mikil tækifæri á næstu árum” er

haft eftir Boga úr tilkynningu sem félagið gaf út.

Nýju Airbus þoturnar munu koma til með að taka við af Boeing 757 vélunum sem hafa verið

burðarásinn í flota Icelandair um áratugabil. Vélarnar eru af nýrri kynslóð, sparneytnar og

styðja við sjálfbærni vegferð Icelandair, eins og kemur fram í tilkynningu félagsins. Gera má

ráð fyrir að vélarnar séu allt að 30% sparneytnari og hljóðlátari en Boeing 757 sem nýju

þoturnar taka nú við af.

„Ekki bara fyrir Icelandair heldur einnig fyrir Ísland sem ferðamannaland og tengi miðstöð í

flugi milli Evrópu, Norður-Ameríku og jafnvel enn lengra. Við bindum miklar vonir við

þessar öflugu, langdrægu og sparneytnu vélar og hlökkum til að bjóða farþega okkar

velkomna um borð.“