29 látnir og þúsundir á vergangi vegna flóða í Suður-Taílandi

Jónas Eyólfur skrifar.

Yfir 30.000 manns hafa neyðst til að flýja heimili sín vegna mikilla flóða í Suður-Taílandi, þar sem dauðsföll hafa náð 29, að sögn yfirvalda 4. desember.

Flóðin hafa haft áhrif á yfir 155.000 heimili í fimm héruðum: Pattani, Narathiwat, Songkhla, Nakhon Si Thammarat og Phatthalung. Samkvæmt taílenska heilbrigðisráðuneytinu hafa fleiri en 33.000 íbúar neyðst til að yfirgefa heimili sín. Veðurstofa Taílands varar við áframhaldandi úrkomu og hugsanlegum aurskriðum og skyndiflóðum til 5. desember.

Björgunarteymi vinna að því að tæma vatn og flytja íbúa á öruggari svæði. Ríkisstjórnin hefur veitt hverju héraði 50 milljónir bahta (um 1,5 milljónir Bandaríkjadala) í neyðaraðstoð og samþykkti einnig 9.000 bahta (um 260 Bandaríkjadala) greiðslu á fjölskyldu til að styðja við fólk sem lenti illa í flóðinu.

Samkvæmt Náttúruhamfarastofnun Malasíu (NADMA) hafði fjöldi flóttamanna lækkað í 64.684 þann 4. nóvember. Dánartölur hafa einnig verið endurskoðaðar úr fimm í tvö, án frekari skýringa. Stofnunin hefur þó lýst yfir viðbúnaði vegna mögulegrar annarrar flóðbylgju.

Fólk sem snýr aftur til heimila sinna stendur frammi fyrir gríðarlegum skemmdum, þar sem vatn og leðja hafa eyðilagt heimilistæki og önnur verðmæti. Nazri Nawi, eigandi matarstalls í Kelantan, lýsti skemmdunum sem verri en flóðin árið 2014 og sagðist óviss um hvernig hann ætti að byrja upp á nýtt án aðstoðar.

Upprunaleg frétt HÉR